БМТ Сурия нифоқчиларини барча ўраб олинган шаҳарларда қамални дарҳол бекор қилишга ва муҳтож аҳолига инсонпарварлик кўмакларини етказишда халақит бермасликка даъват этди.

Яқин беш кун ичида қамал қилинган туманлардаги 154 минг одамга ёрдам етказиш тадбири амалга оширилади, -деди Женевада БМТнинг гуманитар масалаларни мувофиқлаштириш бўйича Бошқармаси расмий вакили Йенс Лерке, деб хабар беради Kun.

Суриянинг қамал қилинган шаҳарларида ўртача 500 минг одам истиқомат қилади, ижтимоий ёрдамга муҳтож одамларнинг сони эса 4,6 миллионга етган.

Вакилнинг сўзларига кўра, “низоли томонларнинг келишуви”га умид қилган ҳолди, БМТ “2016 йилнинг биринчи чорагида чекка ҳудудларда яшовчи 1,7 миллион одамга инсонпарварлик ёрдамини етказишга тайёр”.

БМТ нинг Суриядаги гуманитар координатори Ёқуб ал Хилло сўзларига кўра, йил бошидан буён Сурияда камида 10 та касалхона вайрон қилинган.