Кеча Озарбайжонда Дунё диний етакчиларининг II Боку саммити бўлиб ўтди. Бу ҳақда Озарбайжон давлат янгиликлар агентлиги хабар бермоқда.
Озарбайжонда бўлиб ўтган тадбирда 70 та давлатдан 25 та дин ва конфессия вакиллари қатнашди. Хусусан, муфтийлар, ислом уламолари, роҳиблар, равинлар, шунингдек дипломатик корпус вакиллари ҳам қатнашди.
Саммитда Ўзбекистон вакили сифатида Президент маслаҳатчиси Рустам Қосимов иштирок этди.
Тадбирни Озарбайжон президенти Илҳом Алиев ва мамлакатнинг биринчи хоними Меҳрибон Алиевалар очиб беришди. Шундан сўнг Қуръон тиловати қилинди.
Тадбирда, шунингдек Кавказ мусулмонлари идораси раиси Оллошукур Пошшозода ҳам сўзга чиқди.
Саммит якунида иштирокчилар томонидан Боку декларацияси имзоланди.