Озарбайжон пойтахти Боку шаҳридаги «EuroHome» қурилиш моллари бозорида ёнғин чиқди. Озарбайжон Фавқулодда вазиятлар вазирлигининг хабар беришича, ёнғинни ўчириш учун 3 вертолёт ва «Бе-200ЧС» самолётидан фойдаланилди.
Ёнғин сахар пайти чиққани айтилмоқда.
Озарбайжон Соғлиқни сақлаш вазирлигининг хабар беришича, 6 нафар жабрланганларга жойида ёрдам кўрсатилди, 2 нафари травматология ва ортопедия институти клиникасига ётқизилди.
Озарбайжон ФВВнинг хабар қилишича, 5 гектар майдонни эгаллаган бозорнинг 2 гектари ёниб кетган.
Айни пайтда ёнғин ўчирилган. Уни ўчиришда Ёнғин хавфсизлиги бошқармасининг 29 та техникаси, 150 нафар ФВВ хизматчилари ҳамда Таҳликаларни бартараф этиш махсус хизматининг 16 та техникаси ва 200 хизматчиси, 3 вертолёт ва бир «Бе-200ЧС» самолёти, фуқаро мудофааси қўшинларининг уч техникаси ва 53 хизматчиси иштирок этди.
Дастлабки маълумотларга кўра, ёнғин кафель дўконидан чиққан. Унинг сабаблари ўрганилмоқда.
Видео:
Фото: