Бюджетдан ташқари пенсия жамғармаси директори Абдулазиз Ҳайдаров АОКАда ўтказилаётган матбуот анжуманида ижтимоий тармоқларда тарқалган хабарларга муносабат билдирди.
«Бугунги кунда пенсия на нафақа олувчиларга вилоятларда 300, Тошкент шаҳрида 400 минг сўмдан бир марталик ёрдам пуллари тарқатиш бошланган.
Бугунги кунга қадар республика бўйича пул олувчиларнинг 65 фоизига тарқатиб берилди. Икки ҳафталик муддат ичида барча маблағлар тўлиқ эгаларига етказилади.
Бундан ташқари, кам таъминланган оилалар реестрига киритилган, 18 ёшга тўлмаган 4 милиондан ортиқ болаларга 200 минг сўмдан нафақа берилади.
Ижтимоий тармоқларда «Болалар куни муносабати билан пул тарқатиляпти» деган гап-сўзлар тарқалмоқда. Ушбу хабарлар мутлақо ёлғон, пуллар Президент қарорида белгиланган фуқароларгагина тарқатилади».