Британия элчиси Ўзбекистоннинг Украина ва Россия урушига билдирган муносабатини олқишлади
17.03.2022 19:50,
303
Буюк Британиянинг Ўзбекистондаги элчиси Тим Торлот Ўзбекистоннинг Украинада ҳарбий ҳаракатларни зудлик билан тўхтатиш чақириғини олқишлади.
Элчи Тим Торлот бу ҳақдаги муносабатини ўзининг Twitter'даги саҳифасида ўзбек тилида билдирди.
"Мен Ташқи ишлар вазири А. Камиловнинг Украинада ўт очишни зудлик билан тўхтатиш ҳақидаги чақириғини олқишлайман. Буюк Британия Россиянинг Украинага ваҳшийларча ҳужумини кескин қоралайди ва Украина мустақиллиги, суверенитети ва ҳудудий яхлитлигини қўллаб-қувватлашда Ўзбекистон билан бирдамдир", дейилади Британия элчисининг баёнотида.
