Буюк Британия суди Россиянинг Украинадаги махсус операцияси муносабати билан мамлакат ҳукумати санкциялари остида қолган россиялик миллиардер, Alfa Bank асосчиси Петр Авеннинг мулкини музлатишдан бош тортди, деб ёзади Evening Standard газетаси.

Авеннинг даъволари унинг Британия банкларидаги 1,5 миллион фунт стерлинг (1,8 миллион доллар) бўлган шахсий ҳисоб варақлари музлатилганлиги билан боғлиқ. Судья Жон Зени қарорнинг асосли қисмида судга вазиятни таҳлил қилиш учун кўпроқ вақт кераклигини таъкидлади.

Авеннинг аккаунтлари Жиноятчиликка қарши кураш миллий агентлиги талаби билан баҳорда блокланган эди. Шу билан бирга, тадбиркорга ойига 2,5 минг фунт стерлинг сарфлашга рухсат берилди. Июль ойида суд Авенга блокланган ҳисоблардаги маблағлар ҳисобидан фавқулодда харажатларни тўлашга рухсат берди. Банкирнинг ўзи ойига 140 минг фунт стерлинг сарфлаши кераклигини таъкидлади, бу маблағнинг катта қисми гўёки унинг санъат буюмлари коллекцияси ҳолатини сақлаб қолиш учун кетади.

Жорий йиғилишда суд, шунингдек, Авеннинг рафиқаси Екатерина Козинага қарши текширув эълон қилди. У эрининг ҳар ойда 140 минг фунт стерлинг миқдоридаги ҳаражатларини тўлаганликда гумон қилинмоқда, бу аввалроқ қўлланилган санкциялар шартларини бузган.