Мамлакат газининг бешдан бир қисмини етказиб берувчи Британиянинг Gazprom Energy компанияси ребрендинг қилди ва ўз номини SEFE Energy Ltd'га ўзгартирди, деб ёзади Bloomberg.
“Gazprom Energy” номи остида фаолият юритган “Gazprom Marketing & Trading Retail Ltd.” эндиликда “SEFE Energy Ltd.” деб номланади, бу эса Securing Energy for Europe GmbH бош компаниясининг янги номини акс эттиради», — дейилади агентлик хабарида.
Аввалроқ Financial Times газетаси компания ўз номини GM&T'га ўзгартириши мумкинлигини ёзган эди, бу Gazprom Marketing & Trading Limited бош компанияси номига ўхшаш. Қайд этилишича, улар Россиянинг “Gazprom” компанияси билан алоқаларни минималлаштириш учун ребрендинг ўтказмоқчи.
31 март куни “Gazprom” Германиянинг Gazprom Germania GmbH ва унинг барча активлари, шу жумладан Gazprom Marketing & Trading Ltd компаниясидаги иштирокини тўхтатди.