Бу ҳафта об-ҳаво меъёрий қийматлардан 4-6 даражага юқори бўлади – «Ўзгидромет»

Бу ҳафта об-ҳаво меъёрий қийматлардан 4-6 даражага юқори бўлади – «Ўзгидромет»

Бутун иш ҳафтаси мобайнида Ўзбекистон ҳудудида об-ҳаво иссиқ ва қуруқ бўлади, фақат бугун ва эртага республиканинг тоғолди ва тоғли туманларида қисқа муддатли ёмғир ёғиши ва момақалдироқ бўлиши мумкин.

Ҳарорат бу кунларда кечаси 20-25 даража, кундузи 35-40 даража бўлади, республиканинг айрим жойларида (асосан, бу мамлакатнинг жанубий ва чўл зоналари) термометр устунчаси 42 даражага етади, бу меъёрий қийматлардан 4-6 даражага юқоридир.

«Ўзгидромет» хабарига кўра, ҳарорат фонининг юқори бўлишига қарамасдан, бу минтақа учун аномал ҳарорат эмас. Масалан, 2018-2019 йилларда худди шу даврда кундузги ҳарорат 40-43 даражагача етган. Республика шимоли ва чўл зонасида ҳарорат қийматлари 44-46 даража бўлгани қайд этилган.

Шу давр учун энг юқори ҳарорат Навоий вилоятидаги Бузаубой метеостанциясида 2019 йил 20 июлда қайд этилган, ўшанда ҳаво ҳарорати термометр устунчасининг 47,7 даража кўрсаткичида тўхтаган.