Бу йил Ўзбекистонда қанча ғалла ва пахта етиштирилгани маълум бўлди
7.12.2019 12:58,
1089
Кеча Ўзбекистон Республикаси Президенти Шавкат Мирзиёев Ўзбекистон қишлоқ хўжалиги ходимларига табрик йўллади.
Шавкат Мирзиёев жорий йилда Ўзбекистонда 7 миллион 130 минг тонна ғалла, 2 миллион 845 минг тонна пахта, 19 минг 600 тонна пилла, 21 миллион тонна мева-сабзавот, 400 минг тонна шоли, 2 миллион 600 минг тонна гўшт ва 11 миллион тонна сут маҳсулотлари, 8,1 миллиард дона тухум олинганини таъкидлади.
Бу йил қишлоқ хўжалиги маҳсулотларидан жами 217 триллион 700 миллиард сўм ёки ўтган йилга нисбатан 12 фоиз кўп фойда олингани, 1,3 миллиард АҚШ доллари қийматидаги 1,5 миллион тонна мева-сабзавот экспорт қилингани айтилди.
Шунингдек, Президент кейинги йилдан бошлаб пахта етиштиришни тўлиқ – 100 фоиз кластер усулига ўтказилишини айтди.