Ўзбекистон Гидрометеорология хизмати хабарига кўра, бугун кундуз куни республикада ёғингарчиликсиз об-ҳаво бўлиши кутилмоқда. Фақат эрталаб марказий, жанубий ва шарқий вилоятларда баъзи жойларда бироз ёмғир ёғиши мумкин. Шамол 7-12 м/с тезликда эсади. Ҳаво ҳарорати 8-13° илиқ атрофида бўлади.
Пойтахтимизда ҳаво булутли бўлади, эрталаб бироз ёмғир ёғиши мумкин. Кундузи ёғингарчилик кутилмайди. Шамол бироз 7-12 м/с тезликда эсади. Ҳаво ҳарорати 11-13° илиқни ташкил этади.
Республиканинг тоғли ҳудудларида баъзи жойларда ёғингарчилик (ёмғир, қор) бўлади. Қор кўчиши хавфи бор. Баъзи жойларга туман тушиши мумкин. Шамол 7-12 м/с тезликда эсади. Ҳаво ҳарорати 0-5° илиқ бўлади