Бугун ярим финал. Олимпиада йўлланмасига бир қадам қолди
22.01.2020 09:29,
296
Бугун Любинко Друлович бошчилигидаги Ўзбекистон олимпия терма жамоаси U23 Осиё чемпионатида ярим финал баҳсида Саудия Арабистони ёшлари билан учрашади.
15:15 да Бангкок шаҳридаги "Ражамангала" стадионида бўлиб ўтади.
Кеча Ўзбекистон олимпия терма жамоаси ўйин олдидан якуний машғулотни ўтказди.
Любинко Друлович ўйин олдидан матбуот анжуманида "Биз учун ҳал қилувчи ўйин. Ярим финалда яхши жамоалар йиғилган. Саудия Арабистони жисмонан кучли терма жамоа. Тактик жиҳатдан ва тезлик борасида ҳам улар кучли", деди.
"Шогирдларим финалга чиқишга кўзим етади. Орзуимиз Олимпиадага чиқиш. Бунга эришиш йўлида боримизни берамиз. Ўзбекистон футболи учун бу тарихий натижа бўлади”, деди Друлович.