Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Бутунжаҳон армия ўйинларида ўзбек спортчилари 7-ўринни эгаллади
29.10.2019 10:01,  
149

Хитойнинг Ухань шаҳри мезбонлик қилган VII Бутунжаҳон армия ўйинлари якунланди. Унда дунёнинг 140 га яқин мамлакати вакиллари иштирок этиб, 27 та спорт тури бўйича ғолиблик учун ўзаро кураш олиб боришди.

Юртимиз ҳарбий спортчилари ушбу йирик мусобақанинг дзюдо, бокс, таэквондо, теннис ва енгил атлетика бўйича баҳсларида қатнашиб, 8 та олтин, 8 та кумуш, 6 та бронза, жами 22 та медалларини қўлга киритди ва умумжамоа ҳисобида 7-поғонадан жой олишди. Бу ҳақда Мудофаа вазирлиги хабар бермоқда.

Ўзбекистон дзюдо терма жамоаси VII Бутунжаҳон армия ўйинларининг 2 тадан олтин, кумуш ва бронза, жами 6 та медалини қўлга киритди.

Хитойга ҳарбий бокс терма жамоамиз деярли иккинчи таркибда йўл олди, яъни яқинда бўлиб ўтган жаҳон чемпионатида қатнашиб, терма жамоамизнинг дунё миқёсида 1-ўринни эгаллашига катта ҳисса қўшган етакчи чарм қўлқоп усталаримизга дам берилди ва Хитойдаги натижалар ҳам шунга яраша бўлди.

Боксчиларимиз VII Бутунжаҳон армия ўйинларининг 2 та олтин ва 2 та кумуш медалларига эгалик қилишди.

Таэквондо мусобақаларида 4 та олтин, 3 та кумуш, 3 та бронза, жами 10 та медални қўлга киритган Ўзбекистон терма жамоаси умумжамоа ҳисобида 1-ўринни қўлга киритди!

Шундай қилиб, Хитойнинг Ухань шаҳри мезбонлик қилган, дунёнинг 140 га яқин мамлакати вакиллари иштирок этган, 27 та спорт тури бўйича ғолиблик учун ўзаро кураш олиб борилган мусобақанинг фақат дзюдо, бокс, таэквондо, теннис ва енгил атлетика бўйича баҳсларида қатнашган Ўзбекистон терма жамоаси VII Бутунжаҳон армия ўйинларининг 8 та олтин, 8 та кумуш, 6 та бронза, жами 22 та медалларини қўлга киритди ва умумжамоа ҳисобида 7-поғонадан жой олди.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан