Бухоро вилояти Пешку туманида юк автомобили тиркамаси ёниб кетди. Бу ҳақда Газли шаҳар ИИБ навбатчилик қисмига 2 октябрь куни соат 17:34 да хабар берилган.
Маълум бўлишича, ҳодиса Пешку тумани ҳудудидан ўтувчи А-380 автомобиль йўлининг 393-километрида содир бўлди.
Ёнғин натижасида тан жароҳати олганлар йўқ. Фуқаро Ғ.Э.га тегишли бўлган тиркама ва унинг ичида бўлган паст навли той пахта ёниб кетган.
Автомобиль тиркамаси пўлат устунларининг бир-бирига тегиб механик учқун ҳосил қилиши, учқуннинг тез ёнувчи махсулотлар устига тушиши оқибатида ёнғин келиб чиққанлиги тахмин қилиниб, моддий зарар миқдори аниқланмоқда.
Ҳолат юзасидан, Пешку тумани ФВБ ва ИИБ ЙҲХБ томонидан суриштирув ишлари олиб борилмоқда.