19 май куни соат 13:30 ларда, Бухоро вилояти, Қоракўл тумани ҳудудидан ўтган 4R-76 “Қоракўл-Янгибозор-Жиғачи” автомобиль йўлида ЙТҲ содир бўлди.
ИИВ ЙҲХББ ахборот хизматининг маълум қилишича, йўлда ҳайдовчи М.Ж. (эркак) “Нексия”да тезлигини меъёридан ошириб, олдинда кетаётган автомобилни қувиб ўтиш мақсадида қарама-қарши йўналишга чиқиб кетади. Ҳамда қаршисидан келаётган ҳайдовчи 1981 й.т. Н.Т. (эркак) бошқарувидаги “Ласетти” русумли транспорт воситасининг олд қисмига урилиб, ЙТҲ содир этган.
Натижада, “Нексия” русумли транспорт воситаси олд ўриндиғида ўтирган йўловчи 2001 й.т. З.Н. (қиз бола) оғир тан жароҳатлари билан шифохонада вафот этган.
Ушбу автомобиль ҳайдовчиси М.Ж. ва йўловчиси 1979 й.т. С.А. (аёл) тан жароҳати олиб шифохонага ётқизилган.
Мазкур ЙТҲ юзасидан Қоракўл тумани ИИБ ҳузуридаги тергов бўлинмаси томонидан суриштирув ишлари олиб борилмоқда.