Буюк Британиянинг қарз юки иқтисоднинг карбонсизланиши туфайли тушумларнинг камайиши, шунингдек, аҳолининг қариши сабаб бўлган харажатларнинг ошиши ҳисобига ортади, дейилади Фискал масъулият идораси ҳисоботида.
Буюк Британиянинг давлат қарзи ҳозирги 96 фоиздан 50 йил ичида ЯИМнинг 320 фоизига етиши мумкин. Бу пайшанба куни Бюджет масъулияти бошқармаси томонидан эълон қилинган ҳисоботда айтилади.
Бирлашган Қиролликнинг қарз юки иқтисодиётнинг декарбонизацияси туфайли даромадларнинг камайиши, шунингдек, аҳолининг қариши натижасида келиб чиқадиган харажатларнинг ошиши туфайли ортади. Мутахассисларнинг таъкидлашича, давлат қарзининг ўсиш даражасига бардош бериш ва пандемиядан олдинги ялпи ички маҳсулотнинг 75 фоизи даражасига қайтиш учун ҳукумат солиқларни ошириши ёки харажатларни ЯИМнинг 1,5 фоизига қисқартириши керак.
2022 йилда Британия вазирлар маҳкамаси фуқароларга яшаш нархининг ошиши билан курашишда ёрдам бериш учун ЯИМнинг 1,25 фоизи миқдорида маблағ ажратди. Агар расмийлар аҳолига бундай ёрдам беришда давом этса ва энергия нархлари юқорилигича қолса, таҳлилчиларнинг фикрича, 2023-2024 йилларда давлат қарзи 40 миллиард фунт стерлингга (тахминан 48 миллиард доллар) ошиши мумкин.
Британия ҳукумати аввалроқ «яшил саноат инқилоби» режасини тақдим этган эди, бунинг учун 12 миллиард фунт стерлинг (14 миллиард доллардан ортиқ) ажратилади. Расмийлар 2050 йилга бориб антропоген иссиқхона газлари эмиссиясини нолга тенглаштириш каби улкан мақсадга эришишга интилмоқда. Тахминларга кўра, қироллик аста-секин ишлаб чиқариш ва ҳаёт фаолиятининг бундай усулларига ўтади, бунда атмосферага зарарли чиқиндилар доимий равишда камаяди.