Буюк Британиянинг янги паспортлари Полшада чоп этилади
23.02.2020 14:10,
66
Британларнинг Brexit’дан кейинги янги кўк паспортлари Европа Иттифоқи ҳудудида чоп этилади деб ёзмоқда The Times.
Қоғоз пуллар ва бошқа қимматли қоғозлар ишлаб чиқаришга ихтисослашган Британиянинг De La Rue ширкати ўн бир йиллик шартнома туфайли £260 млн ($336,8 млн) маблағ йўқотди. Шартномани унинг рақобатчиси Gemalto француз-голланд ширкати қўлга киритди. Ширкат ҳужжатларни Тчев шаҳри (Полша)даги комбинатида чоп этади.
Янги паспортлар жорий йилнинг март ойидан бошлаб берила бошлайди.
Буюк Британия 30 йилдан бери кўк паспортни кўрмаган: 1988 йилдан бери Европа Иттифоқи келажаги учун паспорт тизимини мувофиқлаштириш амалга ошириб келинмоқда. Ўшандан бери Қироллик фуқароларининг паспорти қизил рангда эди.