Чегарачилар юк поездида кўп миқдорда гиёҳванд модда топишди
22.12.2016 11:55,
4
Ўзбекистон миллий хавфсизлик хизмати чегара қўшинлари ҳарбийлари Тожикистондан гиёҳванд модда олиб киришга бўлган уринишга чек қўйишди, деб хабар берди давлат чегарасини қўриқлаш қўмитаси матбуот хизмати.
Ўзбекистон Республикасининг "Бекобод" темирйўл ўтказув пунктида №3001 "Хўжанд — Ховос" йўналишидаги юк поезди текширилганида чегарачилар икки килодан ортиқ героин ва тўрт килодан ортиқ гашиш моддаларини топишди.
Мазкур ҳолат юзасидан Ўзбекистон ҳуқуқни муҳофаза қилиш органлари томонидан жиноят иши қўзғатилди, тергов ишлари олиб борилмоқда.