Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Черногорияда давлат тўнтаришига уринган россияликлар кимлар эди?
5.10.2019 14:52,  
560

Чехиянинг Deník N нашри журналистлари Sofbiz компаниясига алоқадор бир неча россиялик билан суҳбатлашишнинг уддасидан чиқди. Ушбу компания Черногорияда 2016 йилнинг октябрида муваффақиятсиз якунланган давлат тўнтариши ташаббусчиларига 1,5 миллион евро берган.

Черногория ҳуқуқ-тартибот идоралари фикрига кўра, бу пул ўша пайтда бош вазир бўлган ҳозир эса президентлик курсисини эгаллаб турган Мило Жукановични ўлдириш учун сарфланиши керак эди.

Чехиядаги Sofbiz компанияси Сейшелдаги компаниянинг филиали сифатида ташкил этилган ва Лондонда яшовчи Екатерина Остапчукнинг номига рўйхатга олинган. У Сейшелдаги иккита компаниянинг директори ҳисобланади: Coddan Nominee Administrator Ltd. ва Coddan Nominee Subscriber Ltd. Маълум бўлишича, 2015 йилда Британия ҳуққ-тартибот органлари унинг компанияларини ноқонуний фаолиятларда гумон қилган.

Шунингдек, Sofbiz компаниясига Подмосковьеда яшайдиган Руслан Галюниннинг ҳам алоқаси борлиги айтилмоқда. Прагада яшайдиган Александр Российченко эса компания ҳужжатларини расмийлаштириш билан шуғулланган, бироқ ўзининг айтишича, компаниянинг фаолиятига аралашмаган. Журналистлар Галюнин ва Остапчук билан боғлана олмади.

Молиявий ҳужжатларга қараганда, Sofbiz Чехияда ҳеч нарса қилмаган. Унинг юридик манзили Прагада жойлашган, бироқ офиси йўқ.

Ушбу компания давлат тўнтаришига урингани ҳақида жорий йилнинг ёзида Черногория махсус прокурори Саша Чаденович маълум қилди. Унинг сўзларига кўра, Sofbiz пулларни аввал Кипрдаги банк ҳисобларига ўтказган, у ердан эса давлат тўнтаришига алоқадор одамларга ўтказилган. Тергов хулосасига кўра, давлат тўнтаришидан мақсад Черногориянинг НАТОга аъзо бўлишини тўхтатиш ва ҳукуматга россияпараст кучларни олиб келиш эди. Турган гапки, Москва бу айбловларни инкор қилди.

Жорий йилнинг майида Черногория суди давлат тўнтаришига уринишда айбдор деб топилган 14 кишига жазо тайинлади. Улар орасида икки нафар Россия фуқароси – Эдуард Шишмаков ва Владимир Попов, россияпараст “Демократик фронт” ҳаракатининг етакчилари Милан Кнежевич ва Андрия Мандич, шунингдек бир неча нафар Сербия фуқаролари бор.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан