Чехияда Россиянинг жосуслик тармоғи йўқ қилинди

Чехияда Россиянинг жосуслик тармоғи йўқ қилинди

Чехия Хавфсизлик ва ахборот хизмати раҳбари Михаил Коуделка 2018 йилда жосуслик тармоғи аниқлангани ва йўқ қилинганини маълум қилди, дея хабар бермоқда Deutsche Welle.

Коуделканинг сўзларига кўра, жосуслик тармоғининг мақсади Чехия ва унга ҳамкор мамлакатлардаги нишонларга хакерлик ҳужумини амалга ошириш бўлган. Чех махсус хизматлари бу тармоқнинг ортида Россия турганини, молиялаштиришни эса Россиянинг Прагадаги элчихонаси амалга оширганини тахмин қилмоқда.

Шунингдек Хавфсизлик ва ахборот хизмати раҳбари ушбу жосуслик тармоғи Москва томонидан бир қатор Европа мамлакатларида яратилган бутун бошли тизимнинг бир парчаси бўлганини таъкидлади.

Айни пайтда Михаил Коуделка Хитойнинг разведка фаолияти ортиб бораётганидан ҳам огоҳлантирди.