Чирчиқ шаҳрида фуқаронинг уйини сотиб юборган собиқ нотариус ва унинг шериклари аниқланди
6.05.2022 16:39,
113
Бош прокуратура ҳузуридаги Департаментнинг Чирчиқ шаҳар бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда, фуқаро З.Ч. Қибрай тумани 1-сонли давлат нотариал идораси нотариуси лавозимида ишлаган даврида фуқаро С.Г. ва бошқалар билан олдиндан тил бириктириб, Тошкент вилояти руҳий-асаб касалликлари диспансерида мажбурий даволанаётган фуқаро В.нинг Чирчиқ шаҳри, 1-кичик туманида жойлашган хонадонини 15.11.2019 йилда ҳужжатларни сохталаштириш йўли билан сотиб юборганликлари аниқланган.
Мазкур ҳолат юзасидан Жиноят кодексининг 168-моддаси (фирибгарлик) ва 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.