Credit Suisse банкининг МДҲ мамлакатларидаги айрим шахслар ҳисоб-рақамларига оид маълумотлар оммавий ахборот воситаларига сиздирилган. Улар орасида икки нафар ўзбекистонлик ҳам бор.
Гулрух Тиллаева — Ўзбекистоннинг биринчи президенти Ислом Каримовнинг куёви Темур Тиллаевнинг аммаси. У Швейцариянинг Credit Suisse сармоя банкида турмуш ўртоғи Никита Калиниченко билан умумий банк ҳисобига эга.
Саодат Нурзиева — тиббиётда ўттиз йилдан ортиқ тажрибага эга акушер-гинеколог. Лекин Нарзиева ҳисобидаги пул ишдан олинадиган даромад билан боғлиқ эмас. У миллиардер Алишер Усмоновнинг опаси, деб ёзади манба.