Жорий йилнинг биринчи ярмида давлат бюджетининг даромадлари 92,6 трлн сўмни ташкил этди. Бу ҳақда Молия вазирлиги хабар бермоқда.
Бу кўрсаткич ўтган йилнинг мос даврига нисбатан 17,8 трлн сўм — 23,7%га кўп.
Бу даврда бюджет даромадининг ЯИМга нисбати 24,5%ни ташкил этди ва ўтган йилнинг шу даврига нисбатан 1% пунктга ошди.
ЯИМга нисбатан улушнинг ошиши асосан билвосита солиқлардан даромадлар ва солиқ бўлмаган тушумларнинг ўсиши билан изоҳланади.
Шунингдек, 2022 йил январь-июнь ойларида 3 943 та тадбиркорларга ҚҚС қоплаб берилди.
Умумий суммадан 5,9 трлн сўми яъни 71%и 100 та тадбиркорга тўғри келади.
Аввалроқ Ўзбекистондаги ЯИМнинг ўсиш суръати прогноз қилинганди.
Натижалар 2022 йил учун ЯИМнинг реал ўсиш суръатини 5,77% даражада кўрсатди.