Сберкасса телеграм каналига фуқаролардан "Давр Банкдан ҳужжатларим жойида бўлса ҳам кредит ололмаяпман. Сабаб, гаровда", сарлавҳали мурожаат келиб тушган.

Унда айтилишича: Мени бир масала қийнамоқда. Мен Давр Банкнинг Наманган филиалига кредит олиш мақсадида боргандим. Юридик шахсман. Кредит эвазига гаровим тайёр, лекин Давр банк "сизни гаровингиз шу ерда бўлиши керак, бошқа жойдаги гаровни олмаймиз (битта вилоятда бўлса ҳам)" деяпти.

Ўзи Давр Банк Наманган шаҳарда жойлашган, мени гаровим ҳам Наманган вилоятида жойлашган. Биз истасак ҳам, барча ҳужжатларимиз жойида бўлса ҳам банк кредит бермайдими энди?", дейилади мурожаатда.

Ушбу масалани Ўзбекистон Республикаси Марказий банкнинг Наманган вилояти бош бошқармаси назоратга олишларини сўраймиз, зеро, бу орқали мижозлар мурожаатларини эътиборсиз қолдирувчи банк ходимларига чора кўришларини сўраб қоламиз.