Кушербаев ўзига берилган мақом ҳақида фикрларини билдирди.
Жумладан, депутат "Кеча ҳамкасбларим мени ҳам алоҳида намуна сифатида рамзий “Халқпарвар депутат” деган мақомга лойиқ кўришиб, овоз беришибди. Уларнинг эътибори, қўллови учун улардан миннатдорман албатта. Балки бу ҳам келгусидаги фаолият учун олдиндан берилган рағбат, муваффақиятли анъанадир.
Бироқ инсон учун “депутат” деган мақомдан-да юқори ишонч, эътироф йўқ деб ўйлайман.
Чунки, ҳар қандай депутатга юксак мақомни сайловчиларнинг ўзи бериб бўлган, яъни бу одамларнинг ишончи. Мана шу ишонч депутатга куч, журъат беради, меҳнат қилиш, бедор бўлишга ундайди.
Мукофот, эътироф ва рағбатлантиришнинг энг юксаги ҳам одамларнинг ишончи аслида.
Шу боис, ҳаммамизга ишончни оқлаш йўлида меҳнат қилиш бахти насиб қилаверсин!", дея ёзади.