Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Диний таълим муассасаларида имтиҳон ўтказиш кунлари ва тартиби белгиланди
27.08.2020 11:23,  
595

Ўзбекистон мусулмонлари идораси Таълим ва илмий-тадқиқот бўлимининг маълум қилишича, идора ўз тасарруфидаги олий таълим муассасаларида қабул имтиҳонларини карантин талабларига қатъий амал қилиш, ижтимоий масофани сақлаш, абитуриентларнинг узоқ вақт бир жойда ўтириб қолишига йўл қўймаслик мақсадида қатор чора-тадбирлар амалга оширмоқда.

Жумладан, қабул имтиҳонлари учта фандан иккита фанга ўтказилди, ижодий имтиҳонлар қисқартирилди. Қабул имтиҳонларини карантин талабларидан келиб чиққан ҳолда очиқ майдонларда ўтказиш белгиланди.

Унга кўра, Ҳадис илми мактаби бўйича:

2020 йил 3 сентябрь «Ҳадис ва мусталаҳ ал-ҳадис» (ижодий имтиҳон).

Имтиҳон ўтказиш жойи – Тошкент ислом институти биноси айвон қисми.

2020 йил 4 сентябрь «Ўзбекистон тарихи» (тест синови).

Имтиҳон ўтказиш жойи – Тошкент ислом институти биноси ҳовлиси.

Имом Бухорий номидаги Тошкент ислом институти бўйича:

2020 йил 7 сентябрь «Фиқҳ ва ақоид», «Ўзбекистон тарихи» фанлари (тест синови).

Имтиҳон ўтказиш жойи – Ҳазрати Имом мажмуаси очиқ майдон қисми.

Мир Араб олий мадрасаси бўйича:

2020 йил 10 сентябрь «Фиқҳ ва ақоид», «Ўзбекистон тарихи» фанлари (тест синови).

Имтиҳон ўтказиш жойи – Мир Араб олий мадрасаси биноси очиқ айвон қисми.

Абитуриентлар карантин талабларидан келиб чиққан ҳолда қуйидаги тартибда қабул имтиҳонларига киритилади:

  • - дезинфекция тоннелидан ўтказилади;
  • - тана ҳарорати масофадан ўлчаш қурилмаси орқали ўлчанади;
  • - тиббий ниқоб, қўлқоп ва кепка билан таъминланади.

Абитуриентларни тест синовлари ўтказиладиган жойга киритиш эрталаб соат 6:00 дан 6:30 гача давом этади, 6:30 дан 7:00 гача саволлар китобчалари ва жавоблар варақасини тарқатиш, жавоблар варақасини тўлдириш тартиби тушунтирилади.

Тест синовлари эрталаб 7:00 дан 9:20 гача давом этади, тест синовлари бошлангандан кейин келган абитуриент имтиҳонларга киритилмайди.

Абитуриентлар қабул имтиҳонларига шахсини тасдиқловчи паспорти ва имтиҳонга кириш рухсатномаси билан келиши шарт. Мазкур ҳужжатлардан бири бўлмаган тақдирда абитуриент имтиҳонларга қўйилмайди.

Имтиҳонга кириш рухсатномаси qabul.muslim.uz портали орқали абитуриент томонидан чиқариб олинади.

Шунингдек, қабул имтиҳонлари ўтказиладиган жойларда абитуриентларнинг ота-оналари ва яқинлари учун алоҳида жойлар тайёрланмаслиги айтилди.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан