Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Дубай валиаҳд шаҳзодаси Ўзбекистонда яна ов қилди (фото, видео)
17.10.2019 12:02,  
2993

Дубай амирлигининг тахт вориси Шайх Ҳамдан бин Муҳаммад Ол Мактум бошчилигидаги делегация 13 октябрь куни Ўзбекистонга ташриф буюрди.

Мартабали меҳмон лочин билан ов қилиш мақсадида Навоий шаҳрига учиб келди. Бу шаҳзода учун анъана бўлиб қолган ва у ҳар йили Ўзбекистонга шу мақсадда келади.

Шаҳзода Ҳамдан бошчилигидаги делегация лочинлар билан шу ҳудудда тувалоқларни овлади ва бу ҳақдаги видеолавҳани Twitter саҳифасига жойлади.

Дубайнинг валиаҳд шаҳзодаси ўзбекистонлик дўстлари билан. @groupfazza

Навоий шаҳридан қарийб 50 километр узоқликдаги чўл ҳудудида 300 гектар ер майдонни эгаллаган «Амирликларнинг йўрға тувалоқни асраш маркази» (АЙТАМ) жойлашган.

Марказ БАА вице-президенти, Дубай амири Шайх Муҳаммад бин Рошид Ол Мактум ташаббуси билан 2008 йил апрель ойида ташкил этилган.

АЙТАМ фаолиятининг асосий мақсади — Ўзбекистонда Осиё йўрға тувалоғининг барқарор популяциясини қўллаб-қувватлаш, уларни кўпайтириш, асраш, ҳамда ҳар йили қушларни ёввойи табиий муҳитга қўйиб юбориш каби тадбирлар мажмуасидан иборат.

Қушларни ёввойи табиатга учириш мавсуми асосан сентябрь—октябрь ойлари ҳисобланади. 2012 йилдан шу вақтга қадар марказ томонидан табиатга 10 мингга яқин йўрға тувалоқ ёввойи табиатга учирилган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан