Еврокомиссия раҳбари Урсула фон дер Ляйен Европа инвестиция банки Украина учун 1,59 миллиард еврони маъқуллаганини, 1 миллиард зудлик билан ажратилишини айтди.
«Европа инвестиция банки Европа Иттифоқи бюджети кўмагида, Украина учун 1,59 миллиард еврони маъқуллади, 1 миллиард евро дарҳол ажратилади», — деб ёзди у Twitter'да.
Урсула фон дер Ляйеннинг сўзларига кўра, бу маблағлар мамлакатда инфратузилмани тиклаш ва хизматларни қайта йўлга қўйишга ёрдам беради.