Британиянинг янги бош вазири Риши Сунак ҳукумати янги қироллик яхтаси лойиҳасидан воз кечди. Бу ҳақда манбаларга таяниб, Express нашри ёзмоқда.
Қайд этилишича, Риши харажатларни камайтириш чора-тадбирлари доирасида Қироллик денгиз флотининг "миллий яхтаси" ни яратишни кечиктиришга қарор қилган.
1997 йилда фойдаланишдан чиқарилган қироллик яхтаси "Британия" ўрнини босадиган кема қуриш ғояси Буюк Британиянинг собиқ бош вазири Борис Жонсонга тегишли эди. Яхта хорижлик олий даражадаги меҳмонларни жойлаштириш учун бизнес платформа бўлиб хизмат қилиши режалаштирилган эди.
Нашрнинг ёзишича, яхтанинг нархи 150 миллион фунт стерлингдан 250 миллион фунт стерлинггача боради ва Буюк Британиянинг собиқ бош вазири Лиз Трасс унинг харажатларини хусусий секторни молиялаштириш орқали қоплашни режалаштирган эди.
Аввалроқ Риши Сунак бошқа штатларга ёрдам кўрсатиш мақсадида бюджет лимитини икки йил муддатга узайтириш имкониятини кўриб чиқаётгани хабар қилинганди.