Энди коронавирусни даволашда янги препаратлардан фойдаланилиши мумкин
22.04.2022 19:55,
121
Жаҳон соғлиқни сақлаш ташкилоти коронавирус туфайли касалхонага ётиш хавфи юқори бўлган беморларни даволаш учун янги препаратларни тавсия қилди.
“Paxlovid” савдо белгиси остида чиқариладиган, нирматрелвир ва ритонавир номли ушбу дорилар эмланмаган, кекса ёшли ҳамда иммунитети заиф одамларни муолажа қилишда, айниқса яхши самара беради.
Вирусга қарши ушбу препаратлар оғиз орқали қабул қилишга мўлжалланган. Улар СOVID-19 туфайли касалхонага тушиш хавфини 85 фоизга камайтиради.
Бироқ ЖССТ юқори хавф гуруҳига мансуб бўлмаган беморлар нирматрелвир ва ритонавир препаратларини қабул қилмагани маъқул, деган хулосада. Чунки 3 минг нафар кишида ўтказилган тадқиқот натижалари шуни тасдиқлайди.