Эронда юз берган йўл траспорт ҳодисаси оқибатида 20 киши ҳалок бўлиб, 24 киши жароҳатланди. “Интихоб” газетасининг ёзишиича, шаҳарлараро йўловчи автобуси пойтахт Теҳрондан 500 км узоқликдаги Гонбад шаҳридан келаётган бўлган.

Дастлабки маълумотларга кўра, автобус тормозидаги муаммолар сабаб ағдарилган.

Жароҳатланганлар яқин орадаги шифохоналарга етказилган.

Халқаро UNICEF ташкилоти маълумотларига кўра Эронда бир йиллик йўл-транспорт ҳодисалари сони бутун дунёдаги ўртача кўрсаткичдан 20 марта юқоридир. Бунга мамлакатдаги йўлларнинг абгорлиги ва қоидаларга риоя қилмаслик асосий сабаб қилиб келтирилади.

Эронда инглиз тилида нашр қилинадиган Financial Tribune газетаси 2017 йил май ойида Эрон йўлларида бир йилда ўртача 20 000 дан ортиқ инсон ҳалок бўлиб, 800 000 киши жароҳат олиши ҳақида хабар берганди.