Европа статистика агентлиги Eurostat маълумотларига кўра, июнь ойида Эстонияда йиллик инфляция 22 фоизга етди ва евро ҳудуддаги энг юқори кўрсаткичга айланди.
«Йиллик инфляция даражаси июнь ойида Эстонияда 22 фоизни ташкил этди, ундан кейин Литвада - 20,5 фоиз ва Латвияда - 19,2 фоиз. Энг паст инфляция Малтада - 6,1 фоиз ва Францияда - 6,5 фоизни ташкил этди», - дейилади Eurostat баёнотида.
Умуман олганда, Еврозонада инфляция июнь ойида 8,6 фоизга тезлашди, май ойида эса бу кўрсаткич 8,1 фоизни ташкил этди. Ўтган йилнинг июнь ойида евро ҳудудда инфляция 1,9 фоизни ташкил қилган эди.
Мутахассисларнинг фикрига кўра, бундай кўрсаткичлар энергия нархининг кўтарилиши, кейин эса озиқ-овқат, алкоголь ва тамаки маҳсулотлари нархининг ошиши натижасидир.