«Европа Иттифоқи Молдовага ҳарбий ёрдам беради»: бу ҳақда Кишинёвга ташриф буюрган Европа кенгаши раҳбари Шарль Мишель маълум қилди.

Унинг сўзларига кўра, ҳозирда Брюсселнинг асосий вазифаси Днестрбўйида кескинлашувнинг олдини олиш, шунингдек, Молдовага “дезинформация ва киберҳужумларга қарши туришда” ёрдам беришдан иборат.

Чарлзь Мишель, Европа Кенгаши Президенти:
"Европа Иттифоқи сиз билан, Молдова билан тўлиқ бирдамлигини билдиради. Бизнинг Европадаги бурчимиз мамлакатингизга ёрдам бериш ва қўллаб-қувватлаш, барқарорлик, хавфсизлик, ҳудудий яхлитлик ва суверенитетни қўллаб-қувватлашни оширишдир. Бу йил биз Молдовага ёрдамни сезиларли даражада ошириш - қуролли кучларини қўшимча жиҳозлар билан таъминлашни режалаштирмоқдамиз".

Ўтган ҳафтада Днестрбўйида, жумладан, тан олинмаган республика Миллий хавфсизлик вазирлиги биноси яқинида бир нечта портлашлар содир бўлди. Днестрбўйи ҳукумати уларни "излари Украина ҳудудига олиб борувчи террор хуружлари" деб атади. Кишинёв ва Киевда бу воқеа Россия махсус хизматлари иштирок этиши мумкин бўлган провокация деб аталган.