Валюта курси: Ўз.Р.Марказий банки
USD
АҚШ доллар
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар








Европа банки Украина учун 100 миллиард евро жалб қилмоқчи
4.07.2022 17:51,  
23

Европа Иттифоқининг кредитлаш бўлими бўлган Европа инвестиция банки илгари COVID-19 пандемияси даврида фойдаланилган молиялаштириш тизимини таклиф қилмоқда. Банк Украинани қайта тиклашга ёрдам бермоқчи ва 100 миллиард евро (104,3 миллиард доллар) жалб қилмоқчи. Бу ҳақда Reuters хабар бермоқда.

EI-Ukraine Gateway Trust Fund (EU GTF) деб номланадиган жамғарма Европа Иттифоқи давлатларидан грантлар, кредитлар ва кафолатлар кўринишидаги 20 миллиард евролик дастлабки бадалларни олишга интилади. Пул инфратузилма лойиҳаларига йўналтирилади. Уларнинг умумий қиймати, банк маълумотларига кўра, Киевнинг бугунги эҳтиёжларининг ярмини қоплайди.

Лойиҳалар, шунингдек, Украина экспортининг ўсишини рағбатлантиришга қаратилган бўлиши мумкин. Режа Европа Иттифоқининг аксарият давлатлари томонидан тасдиқланиши керак, шундан сўнг уларнинг ҳар бири жамғармага маблағ ўтказиш тўғрисида қарор қабул қилади. Йиғилган маблағ мамлакатнинг кўприклар, канализация, рақамли ва энергетика инфратузилмасини тиклашга йўналтирилиши мумкин.

Аввалроқ Украина расмийлари мамлакат иқтисодиёти ва инфратузилмасини тиклаш учун зарур бўлган маблағни 650 миллиард доллар деб атаган эди. Агар бу рақамга билвосита зарар қўшилса, бу кўрсаткич бир триллион долларгача ошади, деди президент Владимир Зеленскийнинг иқтисодий маслаҳатчиси Олег Устенко.

Тавсия Этамиз








Тавсия Этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан