2022 йилнинг сўнгги чорагида еврозона иқтисодиёти таҳлилчилар прогнозларига зид равишда ўсди. Eurostat'нинг дастлабки маълумотларига кўра, 0,1 фоизга ўсган, CNBC қайд этади. Шу билан бирга, иқтисодчилар, аксинча, худди шу даврда 0,1 фоизга қисқаришни кутишган эди.

Минтақа иқтисодиёти энергетика инқирози ва озиқ-овқат нархининг ошиши шароитида қаттиқ босим остида қолди. Шу билан бирга, 2022 йилнинг иккинчи ярмида энергия товарлари нархи пасайгач, умуман еврозонанинг иқтисодий кўрсаткичлари яхшиланди.

Eurostat маълумотларига кўра, энг кучли ўсишни Ирландия иқтисодиёти (2022 йилнинг тўртинчи чораги учун ЯИМнинг 3,5 фоизи), Испания (0,2 фоиз), Франция (0,1 фоиз) ва энг кучли пасайиш Швеция иқтисодиёти (-0,6 фоиз), Чехия (-0,3 фоиз) ва Германия (-0,2 фоиз). 

Таҳлилчилар фикрича, Германия энди таназзулга юз тутиши мумкин. "Эҳтимол, Германия тўртинчи чоракда саёз ва қисқа рецессияга киради, бу эса иккинчи чоракда иқтисодиёт барқарорлашгунга қадар биринчи чораккача давом этади", деди Berenberg иқтисодчиси Саломон Фидлер. 

Умуман олганда, экспертларнинг фикрича, блок мамлакатлари шу пайтгача техник таназзулдан қочишга муваффақ бўлди ва бу ECB'га инфляцияга қарши курашда пул-кредит сиёсатини кучайтириш учун жасорат бериши мумкин.

Январь ойи бошида Европанинг иқтисодий масалалар бўйича комиссари Паоло Гентилони Европа Иттифоқи мамлакатларида иқтисодий ўсиш чекланиши, блок мамлакатларида рецессия кутилмаслигини айтганди. Унинг сўзларига кўра, "рецессия ва стагфляциянинг муқаррарлиги" сценарийси амалга ошмаслиги "аллақачон аниқ". "Бизда жуда кўп муаммолар бўлади, лекин бундай эмас", деб ваъда берди Европа комиссари. Гентилони аниқлик киритишича, бу жуда чекланган ўсиш, уни қўллаб-қувватлаш керак бўлади.