Еврокомиссия Россия газини харид қилиш режасини ишлаб чиқди, бу эса импортчиларга Москва томонидан қўйилган шартларни бажариш ва санкцияларни бузмаслик имконини беради. Бу ҳақда Bloomberg ахборот манбаларига таяниб ёзмоқда.
Еврокомиссия Европа давлатлари иштирокидаги ёпиқ йиғилишда худди шундай режани эълон қилди. Тахминларга кўра, Россия гази учун евро ёки долларда тўлов амалга оширилгандан ва мажбуриятлар бажарилгани эълон қилингандан сўнг, Москва Европа Иттифоқи давлатларидан тўлов бўйича бошқа ҳаракатларни талаб қилмаслиги керак.
Нашр суҳбатдошларига маълум бўлишича, Еврокомиссия компанияларнинг рублда ҳисоб варақ очишга муносабатини аниқламаган ҳолда «Газпромбанк» да доллар ва еврода ҳисоб очишга тўсқинлик қилмасликка қарор қилган.
Европа Комиссиясининг тавсияларини баҳолашда Европа Иттифоқи мамлакатлари иккига бўлинган. Улар Германия, Венгрия, Франция ва Италия томонидан қўллаб-қувватлади, Полша эса тавсияларни ҳуқуқий жиҳатдан ноаниқ деб атади ва Европа Иттифоқи элчилари билан муҳокама қилиниши кераклигини таъкидлади.