Еврокомиссия раҳбари Урсула Фон дер Ляйен Россия энди Европани энергия манбалари билан шантаж қила олмаслигини маълум қилди. Унинг сўзларига кўра, Россия нефть-газ компанияларига ёнилғи учун рублда тўлов талаб қилишга рухсат берилмайди (Москва бундай ниятини аввалроқ эълон қилган эди), чунки бу санкция режимини виртуал бузишдир.
"Бундай қарор бир томонлама бўлад. Бу келишув шартларини бузиш, аслида санкцияларни четлаб ўтишга уринишдир. Биз санкцияларни улар четлаб ўтиши учун киритмаганмиз", — деб таъкидлади Ляйен.
Ундан бироз аввал Германия канцлери Олаф Шолц шартномаларда ҳисоб-китоб валютаси аниқ кўрсатилганини айтиб, энергия ресурслари учун рублда тўлашдан бош тортган эди.