Европада газ нархи пасайишда давом этмоқда – 23 декабрдаги савдолар вақтида TTF индекси бўйича январь фьючерслари нархи аввалги ёпилиш билан солиштирганда деярли 11 фоизга арзонлашди. Буни Лондон фонд биржаси ICE маълумотлари тасдиқлайди.

Пастки нуқтада нарх минг кубометр учун тахминан 900 долларга тушди. Тошкент вақти билан 19:02 ҳолатига кўра, нархлар минг куб метр учун 920 долларгача кўтарилди. Ҳафта давомида котировкалар 25 фоиздан кўпроққа тушиб кетди.

Сентябрь ойининг бошидан бери Европада газ нархи уч баравар арзонлашди, ўшанда "Шимолий оқим" газ қувурининг ёпилиши ва кейинроқ портлаши Россия газининг минтақага етказиб беришини кескин қисқартирган. Ваҳиманинг камайишига сўнгги йилларда рекорд кўрсаткич бўлган ер ости газ омборларининг бандлик даражаси, суюлтирилган газнинг барқарор таъминлангани туртки бўлди.

Айни пайтда, илиқ об-ҳаво нархларнинг пасайишига кучли таъсир кўрсатмоқда, таҳлилчиларнинг фикрига кўра, минтақанинг аксарият қисмида яна бир неча ҳафта давом этади. Европанинг айрим ҳудудларида эсиб турган кучли шамол ҳам газга бўлган талабнинг пасайишига ёрдам беради.

Бундан ташқари, Европа Иттифоқида маржинал газ нархининг жорий этилиши нархларга таъсир қилиши мумкин. 21 декабрь куни Европа Иттифоқи Кенгаши ниҳоят газ нархининг динамик чегарасини мегаватт-соатига 180 евро (минг куб метр учун тахминан 2000 доллар) даражасида тасдиқлади. У

шбу чора 2023 йил 15 февралдан кучга киради ва бир йил давомида амал қилади. Бозорни мослаштириш механизми фуқаролар ва иқтисодиётни ҳаддан ташқари юқори нархлардан ҳимоя қилишга қаратилган, дейилади хабарда.