Facebook асосчиси Марк Цукерберг қонун чиқарувчилар ва тартибга солувчиларнинг компанияга нисбатан даъволари ортидан АҚШ Президенти Дональд Трамп билан учрашди. Бу ҳақида Facebook матбуот хизматига таяниб Axios хабар бермоқда.
Цукерберг турли сиёсатчилар билан учрашиб, улар билан Интернетнинг келажаги тўғрисида суҳбатлашмоқда.
“У бугун Оқ уйда Трамп билан яхши ва дўстона учрашув ўтказди”, – деб ёзади Axios.
Бундан ташқари, Facebook раҳбари АҚШ Конгрессида ҳам ёпиқ учрашувлар ўтказиши режалаштирилган.
Конгресснинг Вакиллар палатаси юридик қўмитаси антимонопол текшируви юзасидан тўртта технологик гигант компания – Facebook, Google, Apple ва Amazonдан ҳужжатлар ҳамда ўзаро алоқалар ёзувларини сўраган.