Facebook компанияси учинчи томон сайтлари ва хизматларига компания ижтимоий тармоғи орқали киритиладиган маълумонларни ҳам қўлга киритиш имкониятига эга бўлди. Бу ҳақда компания расмий блогида хабар берилди.
Гап facebook'дан ташқари ҳаракатлар (Off-Facebook Activity) ҳақида кетмоқда. Масалан сиз қайсидир сайтда рўйхатдан ўтиш учун facebook саҳифангизни киритасиз, компания эса сиз кирган сайт ҳақида маълумотни ўзи учун сақлаб қўяди. Маълумотлар шахсийлаштирилган рекламалар (сиз учун таклиф қилинадиган рекламалар)да фойдаланилади.
"Facebook'дан ташқаридаги ҳаракатлар бу компаниялар ва ташкилотлар билан сизнинг ўзаро алоқаларингиз, масалан, уларнинг иловаларини ишлатиш ёки уларнинг сайтларига кириш ҳақида бизга юборадиган маълумотлардир", - дейилади компания хабарида.