Facebook ўз фойдаланувчиларига жамоавий видеоқўнғироқлар ҳамда суҳбатлашиш имконини берувчи Мессенжернинг компютер версиясини тақдим этди.

Компютерлар учун Messenger сизга "юқори сифатли овозли ва видео чат"да чексиз қўнғироқлар қилиш, файлларни алмашиш ва билдиришномаларни созлаш имконини беради.

Мессенжернинг компютер ва мобил версиялари ўртасидаги ёзишмалар автоматик равишда синхронлаштирилади. Шунингдек, "тунги режим" ва аниматсион GIF-файлларни қўллаб-қувватлаш ҳақида эълон қилинди.

Хизматнинг PC версияси талабнинг ортиб бориши муносабати билан чиқарилди. Фейсбукнинг таъкидлашича, сўнгги бир ой ичида Messenger веб-версиясидаги аудио ва видео қўнғироқлар сони 100% дан кўпроқ ўсган.

Zoom ва Slack ҳам ўз маҳсулотларини такомиллаштирмоқда. Ушбу ҳафтада Zoom кенг қамровли текширув ўтказишга ваъда берди ва Slack ишлаб чиқувчилари Microsoft фойдаланувчиларига қўнғироқ қилиш имкониятини қўшдилар.

Ҳозирги глобал карантин вақтида компаниялар кўпроқ рақамли иш фаолиятига ўтган. Бу эса видеоқўнғироқлар учун талабни каррасига оширди.