"Falcon 9" ракетаси учига ўрнатилган "Dragon" капсуласида НАСАнинг икки фазогири ниҳоят космосга учишга муваффақ бўлди.
Флоридадаги Кеннеди фазо марказидан маҳаллий вақт билан 15:22 (00:22 тшв) да ракета осмонга кўтарилди. Орадан 12 дақиқа ўтиб фазогирлар қуйи орбитага етиб борди ва капсула ракетадан ажралиб чиқди. Уни космосга олиб чиққан ракета ерга қайтиб тушиб, океандаги "Of course I still love you" дрон-кемасига муваффақиятли қўнди.
Энди "Dragon" капсуласи космосдаги парвозини давом эттиради. Фазогирлар 19 соат давомида ерни бир марта айланиб чиқади ва шундан сўнг Халқаро фазо станциясига уланади. Улангандан сўнг бу миссия муваффақиятли амалга ошган деб ҳисобланади.