Финландия расман НАТОга кириш ҳақида қарор қабул қилди
15.05.2022 15:30,
84
Финляндия расмий равишда NATO'га аъзо бўлишга қарор қилди. Бу ҳақда бугун Финляндия президенти Саули Ниинистё маълум қилди.
Россия билан 1,3 минг километр узунликдаги умумий чегарага эга бўлган Финляндия, Россия билан (ундан олдин - Совет Иттифоқи) муносабатларнинг ёмонлашишига йўл қўймаслик учун, яқин вақтгача ҳар қандай ҳарбий иттифоққа киришдан бош тортиб келаётган эди.
Саули Ниинистё шанба куни Владимир Путинга қўнғироқ қилиб, NATO'га аъзо бўлиш учун ариза бериш ҳақидаги қарорини маълум қилди. Қарор, президентнинг расмий чиқишида таъкидланишича, Россиянинг Украинада бошлаган уруши билан, шунингдек Москванинг Шимолий Атлантика алянсининг кенгаймаслиги борасидаги эътирозлари билан боғлиқ.