Финляндиянинг Metso Outotec концерни Олмалиқ КМК (ОКМК)дан 100 миллион евродан ортиқ жиҳозлар тўпламига буюртма олди, деб хабар беради хорижий компания сайтида.

Буюртма асосий муҳандислик, қайта ишлаш заводи учун ускуналар ишлаб чиқариш ва етказиб беришни ўз ичига олади. «Ёшлик-1» кони яқинида жойлашган заводнинг режалаштирилган қуввати йилига 60 миллион тоннани ташкил этади.

– Бойитиш фабрикасининг металлургия кўрсаткичлари ва энергия самарадорлигини оптималлаштиришга алоҳида эътибор қаратилди. Бизнинг етказиб беришимиз барқарор операцияларга ҳисса қўшадиган бир нечта Planet Positive технологияларини ўз ичига олади", деди Маркку Терасвасара, Metso Outotec компаниясининг Минерал бизнес йўналиши президенти.

Эслатиб ўтамиз, Metso Outotec2020 йилда Outotec ва Metso бирлашиши натижасида ташкил этилган. Компаниянинг асосий мижозлари металл бўлмаган материаллар ишлаб чиқариш, фойдали қазилмаларни қайта ишлаш ва металлургия корхоналари ҳисобланади.

Аввалроқ, Курсив Fitch АГМК га биринчи марта Барқарор прогнозли «BB-” рейтингини бергани ҳақида ёзган эди. АЖнинг кўрсаткичи давлат билан мустаҳкам алоқалар туфайли Ўзбекистоннинг суверен рейтинги билан тенг. Шу боис Ўзбекистон учун рейтингнинг ошиши компанияга ижобий таъсир кўрсатади. Айни пайтда ОАЖ IPO ўтказишга тайёргарлик кўрмоқда.