Францияда коронавирус туфайли беш мингга яқин маҳбус озод этилади
24.03.2020 12:49,
119
Францияда коронавирус фонида қамоқхоналар ишини енгиллаштириш учун беш минг маҳбус озод қилинади, деб ёзади France Info.
Таъкидланишича, қарор 23 март куни қабул қилинган. Бу майда қоидабузарликлар учун ҳукм қилинган, яхши хулқ-атвор кўрсатган ва муддати яқинда тугайдиганларга тааллуқлидир.
Яқин вақт ичида "электрон кишан" жазоси ҳам бўлмайди, техник ходимлар бундай пайтда ишламайди.
Бугунги кунда Францияда 20 мингга яқин одам коронавирусни юқтирган ва 856 киши вафот этган.