Француз ҳарбий кемасида 668 та коронавирус ҳолати тасдиқланди
16.04.2020 22:20,
205
Франциянинг «Шарл де Гол» ҳарбий кемасида 668 нафар денгизчида коронавирус ҳолати тасдиқланди.
Франция мудофаа вазири баёнотида айтилишича, атом каллакли «Шарл де Гол» бошчилигида Франция ҳарбий денгиз кучлари ташувчиларининг 1767 нафар хизматчиси коронавирус тести топширган.
«Ҳозирда 31 киши Тулондаги ҳарбий шифохонада. Улардан бири реанимация бўлимида. Тест топшириш давом этмоқда», - дейилади хабарда.
«Шарл де Гол» 21 январ куни Ироқ ва Суриядаги террорчиларга қарши ҳарбий операцияларни қўллаб-қувватлаш учун Ўрта Ер денгизининг шарқига келган ва кейин Атлантика океани ва Шимолий денгизда халқаро машқларда қатнашган эди.