Кўр ҳассасини бир марта йўқотади, аммо...
26.02.2021 21:27,
574
Наманган вилояти ИИБ Ахборот хизматининг хабар беришича: Жорий йил 23 февраль куни, Уйчи туманида яшовчи фуқаро туман ИИБга ариза билан мурожаат билан чиқди. Унда 2019 йил июль ойида шу туманда яшовчи фуқаро унинг ишончига кириб, молхонасидан 3 бош молларини 50.000.000 сўмга сотиб олишга келишади. Пулларни 10 кун муддатда беришини айтиб, молларни олиб кетади, пулларини ўз вақтида бермай, орадан бир қанча вақт ўтгач, Қозоғистон Республикасидан зотли қора молларни олиб келиб беришини айтади ва ундан яна 2.000 АҚШ долларини олиб кетиб, ўзининг шахсий эҳтиёжлари учун ишлатиб юборганлигини маълум қилади.
Ушбу ҳолат бўйича туман ИИБ ҳузуридаги тергов бўлими томонидан Жиноят кодексининг 168-моддаси 2-қисми билан жиноят иши қўзғатилган.