ФВВ «Қамчиқ» довони ҳақида тарқалган хабарларни рад қилди
24.02.2020 14:59,
522
Ижтимоий тармоқларда тарқалган хабарларга кўра, жорий йилнинг 24 февраль куни «Қамчиқ» довонида кучли қорбўрон ва музламалар мавжудлиги боис автоуловларнинг ҳаракати қийинлашган.
Фавқулодда вазиятлар вазирлиги эса, «Қамчиқ» махсус қидирув, ёнғин-қутқарув бошқармасига таяниб, айни вақтда А-373 «Тошкент-Ўш» автомобиль йўлининг «Қамчиқ» довони қисмида об-ҳаво очиқ, ёғингарчиликлар кузатилмаётганини билдирди.
Ҳаво ҳарорати 0 +10 даражани ташкил этади.
Маълум қилинишича, довонда автомобилларнинг икки томонлама ҳаракати таъминланган.