G7 давлатлари Россиядан нефть импортини қисқартиради ёки тақиқлайди, деди Оқ уй. Бу ҳақда «Ria.ru» манбаси хабар бермоқда.
«Бугун G7'нинг барча мамлакатлари Россия нефти импортини босқичма-босқич тўхтатиш ёки тақиқлаш мажбуриятини олди», — дейилади Оқ уй Миллий хавфсизлик кенгаши матбуот хизмати баёнотида.
Ўз навбатида, маъмуриятнинг юқори мартабали расмийси журналистларга брифингда АҚШ мамлакатларни инқирознинг олдини олиш учун озиқ-овқат экспорти чекловларини олиб ташлашга, кўпроқ ишлаб чиқаришга ва муҳтож мамлакатларни таъминлаш учун захираларни очишга чақираётганини айтди.
Олдинроқ, якшанба куни АҚШ президенти Жо Байден G7 етакчилари билан видеоконференция ўтказишни режалаштиргани ва Владимир Зеленский иштирок этишга таклиф қилингани хабар қилинганди.