Газпром газ учун рублда тўлашдан бош тортгач, Дания ва Германияга етказиб беришни тўхтатди.

«Газпром» Даниянинг Orsted компаниясига, шунингдек, Shell'нинг Германиядаги бўлинмасига рублда тўлов амалга оширилмагани сабабли газ етказиб бериш тўхтатилганини тасдиқлади, деб хабар берди Россия компанияси.

Бунгача Газпром Польша, Болгария, Финляндия ва Голландияга етказиб беришни тўхтатган эди.

Кремль «дўст бўлмаган» давлатларга (хусусан, бутун Европа Иттифоқига) татбиқ этаётган схеманинг моҳияти шундаки, улар газ учун тўловни «Газпром» нинг Европа ҳисобига эмас, балки Россия Газпромбанкидаги ўзларининг ҳисоб рақамларига ўтказадилар. Бундай аккаунтларни аллақачон 10 та давлат очган, улардан бири Италия бўлиши мумкин, деб ёзди Bloomberg.

Ҳозирча фақат Венгрия Россия схемасига расман рози бўлди.