Газпром Туркия канали орқали газ етказиб бериш 21-28 июнь кунлари вақтинчалик тўхтатилишини маълум қилди. Бу ҳақда РИА Новости хабар берди.
Етказиб беришнинг тўхтатилиши режали техник хизмат кўрсатиш билан боғлиқ бўлади. «Турк оқими» газ қувурининг иккала тармоғи бўйлаб газни ташиш режали профилактика ишлари муносабати билан 2022 йилнинг 21 июндан 28 июнига қадар вақтинча тўхтатилади», — дейилади Газпром расмий Телеграм-каналида.
Шунингдек, газ ташишни тўхтатиб туриш барча манфаатдор томонлар томонидан олдиндан келишилганлиги хабар қилинган.
«Турк оқими» 2020 йил бошида ишга туширилган. Газ қувурининг қуввати 31,5 миллиард куб метрни ташкил этади. Биринчи йилда у 43 фоизга юкланган. 2021 йилнинг биринчи чорагида бандлик 73 фоизга кўтарилди. Туркияга асосий газ етказиб берувчилар Россия ва Эрондир.